ابو ذيات رائعة

انه تعلمت على الغدر روحي
وروحي وين ما تردين روحي
اذا طابلج هذا الجسد روحي
ما تلكين شي يرهم عليه
$$$$$$
انا نــاوي اروحــن ولا عـــــود
لا عزف الربابه يرهملي ولا عود
ولشخاط البقى بجيبي ولا عود
وجيس التتن غالي عــلــيــه
$$$$$$
العشك من استراحينا وهتع
واخذنا من الدمع راحا وهدنه
يا حلو الطول فك ياخه وهدنه
عجـزنه من الهوا ونارة سريه
$$$$$
اسهامك وصلن الجبدي ولاحن
وكلبك ما بجه الحالي ولا حن
ابليالي العـيـد لا فـرح ولا حن
لجلك يالكطعت الوصـل بيه
$$$$$$
يليل شوك امري اوياك فضه
وكلبي امن الكدر ما يوم فضه
الكلام ابغير وسبب فضه
السكون امن الذهب بين البريه
$$$$$$$$
الدمع نهران من العين ينساب
طريح او لا صفالي الوكت ينساب
اليسب الناس لابد يوم ينساب
ويظل مكروه ما بين البريه
$$$$$$

» قصيدة رائعة جداً
» صورة رائعة الى النادي الملكي
» قصيدة رائعة للشاعر كريم العراقي