1) محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن.. گيمر..؟
2) محشش رجع للبيت متأخر ..مرته فتحتله الباب.. ضربها وگاللها وين ليهسه متأخره بت النعال؟
3) محشش يسوق تكسي .. أشّرتله بنيه ..وگف گال : وين تروحين؟ گالت: للشورجه گاللها: اوكي بس لتتأخرين.
4) محشش دخل محل گال لأبو المحل:عندك جگاير روثمان؟ گال له :لا.. راح للمحل اللي بصفـّه گال له: طيب وإنته؟
5) حشاش ضرب صديقه راشدي فگال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.
6) طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.
7) حشاش يحچي ويّه نفسه:مدري مواعد وحده الساعه ثنين؟.. مدري مواعد ثنين الساعه وحده؟
حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟
9) حشاش مثقف گال لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..فرد عليه الأول: من أنت؟
10) حشاش سأل أبو المخضر:عندك فاصوليه خضره؟ گال :لا والله خلصت گال.لعد شضل عندك يالون؟
11) قزم راد ينتحر چيّت من الرصيف.
12) قزم عطس ..طخ راسه بالگاع ومات.
13) واحد بنه بيت مدوّر وگال لمرته:هم گولي بعد حابسني بين أربع حيطان؟
15) محشش راح للمطار يستقبل أبوه باس الجنطه وشال أبوه.
16) محشش عوّز ..دز إبنه يجيب عوازه..أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه براس الشارع.
17) محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟
1 متدين في قمّة الأدب يدگ باب الثلاجه قبل لايفتحها.
20) محشش يسوق سياره ..وگفه شرطي المرور گال له إجازتك؟..گال أي حشيش هذا اللي تحچي عنّه.
21) واحد راح يسرق بيت وحده سمينه حيل ..مسكته وگعدت عليه وگالت لابنها: يمه محمود خابرلنا الشرطه..الحرامي من يمه گام يصيح:عفيه بسرعه يا محموووووووود.
22) ابو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ... نعال.
23) صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!!
24) صرصر بالأنعاش شاف صرصر لاخ جايبيه عالسديه گال له: ها أخي .. هم شحاطه؟ گال لا والله بف باف.
25) دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.
26) دجاجه إنتحرت وكتبت على ورقه:خلّي( ماجي) ينفعكم..!!
27) طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.
29) هايشه وگفت گدام المرايه وگالت:والله حرام كل هذا الجمال وياخذه ثور.
30) حيّه تبچي ..گالولها :ليش؟؟ گالت خمس سنوات إمخيله عله عربيد وبالأخير طلع صونده.
31) واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.
32) واحد گال لمرته الحضريه شناكل اليوم گالت: مسويه رجيم گال اي والله ماضايگهه.
33) واحد يم صاحبته دگ عليه الموبايل ..طلعت مرته.. گال عجيب شمدريهه أني هنا؟
34) واحد راح يحج شاف الناس تشمر حجار گال: أيّباااااااه.......لهنا وصلت إسرائيل؟
35) واحد گال لصاحبي :بالله شوف ألاشاره مال السياره تشتغل؟ فگال له صاحبه: إي..لا..إي..لا..إي..لا.......
36) اكو ثنين مساجين خططوا يقتلون الحارس ويهربون راحوا شافو الحارس ما موجود رجعوا گالوا: خربت الخطه
3 واحد عنيد.. صاحبه دگ عليه الباب گال:منو؟ گال:أنا..گال :لا مو أنته.
39) غبي يصبغ السقف بالبويه گالت له أمه:يمه خلي جريده جوه رجليك.. گال لا ماما ميحتاج... أنوش .
40) غبي گالوله الحگ مرتك تخونك بالبستان ويه صديقك..راح ركض ورجع وره شويه گال:مناعيل الوالدين هنّه شجرتين.. سووهه بستان..وچماله الولد طلع لا صديقي ولا أعرفه.
41) غبي گالو له شفنا واحد راكب ويه مرتك بالسياره ومرتك تسوق بسرعه طايره .گال لاتخافون عليهه ..شاطره بالسياقه.
42) محشش كتب لافته على باب محله: يوجد لدينا ثلج بارد جداً.
43) بعد فتره من نجاح الاعلان كتب:ملاحظه.. المحل يفتح ليلاً ونهاراً فقط.
45) غبي يلعب برمانه يدويه.. گالوله :ماتخاف تنفجر؟ گال: عدنا هوايه بالبيت.
46) لوتي سألوه شتسوي اذا ردت تصيد أرنب ؟ گال: أقلد صوت جزر.
47) محشش طلّع الصوبه ليبرّه البيت.. گالوله ليش؟؟ قال :مو برّه أبرد من جوّه.
4 محشش يسبح بالشط ويندعي: يا إلاهي لاتموتني لخاطر المره والجهال..صديقه سمعه گال له: لك يامره ياجهال؟ إنته يمته متزوّج..المحشش غمزله وعض له شفـّه.
49) اعور گال للدكتور :دكتور كلما أشرب چاي عيني توجعني..گال له الدكتور :طيب كلما تريد تشرب الچاي وخّر الخاشوگه.
50) غبي شاف گشر موز بالشارع گال:أوهوووو..شلون شغله ؟ هم راح نزلگ!!
51) لوتي سأل أبو المحل:عندك تلفزيونات ملونه؟ گال له نعم.. گال فد واحد أزرگ للجهال الله يخليك.
52) اثول عنده أرق ميگدر ينام گالوله عِد للميه تنام .. وصل للخمسين نعّس.. گال: اگوم اغسل وجهي وأكمّل للميّه.
53) غبي گال له أبوه روح إغسل وجهك راح يجونه خطار..گال وبلكي ما إجوا؟
54) صاحي جدا حب يتغزل بمرته بالفراش گال لها:شايفه هذاك الگمر؟؟ گالت:إي.. گال :ريحة أباطاتچ واصله لهناك.
55) محشش گال لمرته شايفه الگمر ذاك؟ گالت نعم.. گال إبوكس واحد أوصلچ يَمّه.
56) لوتي أتصل بالأطفاء گاللهم:شنو إذا ماكو حريق منشوفكم يعني؟؟
5 ثولة گالولها: الموضه هالسنه جلد طبيعي..طلعت للسوق عريانه .
59) واحد راد يتعرف عله بنيّه گاللهه:شسمچ؟ گالت:أسماء.. گال: أها..يعني مو إسم محدد؟؟
61) واحد شاف الباص أم طابقين ببغداد واگفه..داخ.. گال ياساتر اشلون حادث رهيب..شصعّدهه وحده عاللُخ ؟
63) اثول شاف قطعه مكتوب عليهه(دورة مياه) سأل اللي بالباب: گلي بروح أبوك شلون التسجيل بيه؟
64) غبي تعين بالأمن السري مال الكعبه شاف واحد يطوف گاله :شعندك تفتر هنا؟
65) فد واحد عرّس سكتاوي حط كاسيت فارغ بالمسجل.
66) جيرانهم دگ الباب حيل منزعج گاللهم :يأ أخوان نريد اننام متنصون الصوت مال المسجل شويه.
67) اثول أشتره علچ أبو السهم ..صار الليل وهوه يعلچ..گالوله نام..گال: بالحرام.. ما أنام إلا أخلصه.
6 غبي طگّت أموره بالتجاره جاب خدامه..ثاني يوم تعاركت مرته ويه الخدامه..گام عزل كل وحده ببيت.
69) واحد واهسه بالتجاره سمع صديقه يگول: الخميس يوافق 15 ..گال واذا ضغطنه عليه شويه ميسويهه أقل؟
70) غبي يطوف بالكعبه سمع الاذان سأل اللي يمّه گاله: بروح أبوك ماكو جامع قريب هنا؟
71) غبي گال لجماعته: والله الخدمات بالسعوديه للحجاج حيل محترمه وأنصحكم من تريدون تحجّون لا تروحون غير للسعوديه.
72) غبي اشتره تكسي.. بالشارع يصيحون عليه تكسي تكسي.. گاللهم عمي ادري والله ادري.
74) بخيل گال لجهاله اللي ينجح هالسنه اراويه سيارة الموطا.
75) بخيل گالوله: اذا بردت شتسوي؟ گال: ادني الصوبه يمي.. گالوا: واذا بردت حيل؟ گال : ادنيهه يمي حيل.. گالوا: واذا بردت حيل حيل حيل؟ گال اضطر اشعلهه.
77) ثلاثة نايمين بالغرفه ومشغلين البنكه على رقم خمسه..دخل أبوهم بالعصا يصيح:ياكلاب.. تلاثه ومشغلين البنكه عالخمسه؟
7 رجل يعتقد انه لازم واحد يسمّي قبل الأكل(يقول بسم الله)وإلا أكل ويّاه الشيطان.. وهذا ما ياكل غير البرغل أربع سنين..أخر شي طلعله الشيطان گال له:أخي العزيز..مو روحي طلعت من هالأكله..لو تغيرها.. لو تسمّي قبل الأكل.
79) مدرس سأل طالب احمق گاله: أبوك شگد عمره گال ما أدري أستاد بس هوّه من زمان عدنه.
80) فد واحد خابر صاحبه طلعله إبنه گاله: أبوك هنا؟ گال: نعم گال: عرفتني منو؟.. الأبن صاح.. بابا أكو واحد يريدك عالتلفون ميعرف هوه منو.
81) احمق سألوه عن عمره گال 30 . وره عشر سنين سألوه گال 30 گالوا شلون ماكبرت؟ گال: الرجال عدنه كلمته وحده حتّه لو ألف سنه.
82) سائق تاكسي ركبوا ثنين وياه رايحين لملعب الشرطه گالوله:إذا ممكن نادي الشرطه الله يخليك.. گال: ليش متخلّوهه بيناتكم اخوان.
83) غبي عنده ضرس مأذيه حيل راح لطبيب الاسنان گال له أريدك تشلعلي كل سنوني وتخليه هذا بوحده مثل الكلب.
84) لوتي أشتغل مخرج تلفزيوني راح لأهله گاللهم سوولي راس بصل حلقات وانطوني الحلقه الأخيره.
الخميس نوفمبر 10, 2011 2:52 am من طرف محمد المدريدي
