قصيدة امي للشاعر المبدع فايق الگاطع حسن

رشفة من العذب عطشان ترويني
احس سهمج نفذ باصلب شراييني
تره كلبي رجيج ومثل باقي الناس
انت اول شخص يعرف موازيني
احسب بالوكت مدري الوكت عداد
جن ساعات وكتي باكت اسنيني
وصدك صرتي سوالف والزمن دوار

ييمه وصورتج تفتر على عيني
محطه ليل تاهت والعمر رحال
انه اخلافج يتيم ا ومن يسليني
ييمه اشلون بيه والهموم اهواي
علي اترادفن والفركه تجويني
صحت يمه ييمه وصوتي ظل مبحوح
امنكولن يمه يمه هم تسمعيني
احسج فوك راسي من يمرني الضيج
واحسج والله دم يسري بشراييني
ييمه الدم مثل حالي عليج ايصيح
اخر قطرة منه اتكول تانيني
انه بكلبي مكانج ظل يبعد الروح
ويم اتراب كبرج فدوه غطيني
ييمة الموت من الله ترا مفروض
بس ردتج ييمه انتي التشيعيني
غفلة الدار كالتلي يفايق كوم
لابو الحسنيين يمه اهناك وديني

الله يرعاكي

» قصيدة رائعة للشاعر كريم العراقي
» قصيدة
» القرصان ـ قصيدة
» قصيدة جميلة
» التـيــــه ـ قصيدة ـ