زنجيل ابوذيه باسماء االلاعبين الذين فرحو الشعب بالكاس

******************
غير الفرح ابدا منتخبنه
وفزعنه الكل مواطن منتخبنه
تاج عللملاعب منتخبنه
جابو فرح لتضن جابونّه
سألناهم وهمه جابونّه
كاس الذهب يلمع جابونّه
وذهب شايل ذهب شفناه يونس
ونيس وللكلب لو لعب يونس
اذا عقلي غفل فد يوم يونس
اخلّي الجفن من الدمع هوار
سفينه الشعر والدلال هوار
مغوار شحلاته عليك هوار
يخلّي الكلب من الفرح باسم
دفاع وصخره عدنه انوصف باسم
منّه اشجم هجوم الصار بيسم
لجن افعاله عل لاعب رحيمه
تكول عليه من يفتر رحيمه
علي حيا ك يامهجة رحيمه
كلت لمّك علينه اليوم صبري
انه من العب اصب عالكوم صبري
وعدنه شلون حارس نور صبري
ينش طوبة هجوم الكوم نشات
وغيرة اهله بين احشاه نشات
يبن اكرم شكول عليك نشات
فارس بيك جم لاعب قصينه
وقصص بيكم على العالم قصينه
غزال واسمر اتوصّف قصينه
يكر عالخصم ماينكدر كرار
وكل شوته نكلّه اعد كرار
هله حياك يبن النجف كرار
ريت الّي حجه عللوطن جاسم
وسهم الحزن للدلال جاسم
مثل ماسودن القحطان جاسم
الدعيع عطل لتضن صار صالح
ويكلبي لليصالح دوم صالح
لعب لعب وفلا ينوصف صالح
واحب الوطن وانه بحضن مهدي
والهذا الفريق اصبحت مهدي
صكر من يدخل الميدان مهدي
السعوديه الصور تبقه وتنشاف
تصب ادموع لا متجف وتنشاف
جروح العدهه ماتبره وتنشاف
هدف يونس ذبحهه السعوديه

مشكور على هذه المشاركة الرائعة
ومبروك علينا وعليكم الكأس والى امام

مشكور انشاء الله اكتب اكثر
نحو الرقي بهذا المنتدى العزيز