طريق الحسين الى الشهيد د نعيم كاظم جبر

عمت عين المنايا تدور الزين
تستنكي الاصيل وبية تسافر
نعيم اسمك صدك عجز الجلمات
وداخت بيك الاف الدفاتر
القانون انتة درستة ونجحت بية
والقانون نفسة البيك حاير
خذت لقب المساعدبل المشقات
بتعب سنين بية لصبح ساهر
شفت غربة وقهر وتحملت ظيم
تتامل نفاة يصير باجر
ماتدري الوكت حضرلك الموت
طريق طويل وتعبر الكناطر
اذن موتك خسارة بدون تعويض
المثلك مايتعوض يل المسافر
ياكسرة ظهر قانون ميسان
عليك نبحت الاف الحناجر
طلابك تون ومتيهة الراي
تطالب بيك بس انتة محاضر
واذا موصوتك يحلي القاعات
خن نعزل الدراسة وبعد ماتسوة
اذا اصل العلم من الجامعةانشال
والقانون راحت طلتة الحلوة
اذن لازم حداد نعيش للموت
والجامعة تصوم وابد ماتروة
والك صورة نعلك بالممرات
حتى تظل عميد وابد ماتهوة
صحيح الموت حق وقابل بهاي
بس ينكرة لمن ينوخذكوة
وانتة الموت باكك غفل ياحيد
لئن الموت نفسة يروحلك فدوة
ياهيبة ورزانة وحسن تدبير
حلات البيك حجيك بالمباشر
ابدلامومجامل بحالة التقصير
تهجم علعدو بلا سواتر
بعد مثلك جسرلعمارة متجيب
تظل عايش خلود وي الضماير
الك مطلوب اظل للموت ارثيك
ياصاحب فضل مايصح باجر
زاير للحسين مسجل هناك
بطريق حسين تسجل مسافر
وهنيعونة اليموت بدرب الحسين
هناك الزهرة تتلكة المناحر
وادعي الله اليصبر اهلة والناس
وامير واسعد ودكتور عامر
والة اهدو ثواب الفاتحة وياي
لئن بس هية توصل للمكابر








راح وماظن يرجع وليعود
اخوي الجان الي هيبة وليعود
صار النوح الي سلوة وليعود
ولاتنعاد كعدتنة سوية




باسم عبد الهادي مطشر الزبيدي
23/2/2009