درس الطف

((درس الطف ))


طفح روج الحزن ويريد سابوح --------ومابيش افوج وحيل تعبان



لئن ايدي كصيرة وكلشي مالوح -------والمركب جبيرة تريد سفان


وانة بطرك الهموم وكومة اجروح------وصار الجسم من الهدم جزعان


اشوف الهم وراي وين ماروح -------ومابية سهر والجفن نعسان



وزعت الصبر جكليت علناس ------ويفكك غصبن عليها الحزن بيبان



كلت مادنكة ويظل الراس مرفوع ------وتجي غصبن عليها مدنكة الاحزان



صحيح انة فقير وهاي لاباس --------واعيشن مثل بلبل بين غربان



اقتديت بكربلة وبدروس الحسين -------شكد عانة بحياتة وصار نيشان


واظن جرح الطفل اكبر هل الجروح -------وصار الصبر لسم حسين عنوان


وخذت درس الوفة جربة العباس -------شال الماي بيدة ومات عطشان












باسم عبد الهادي مطشر الزبيدي