((شونج ياعمارة ))
شونج ياعمارة شلون ناس البيج -------بعدج مثل الاول لوتبدلتي
بعدج ذيج انتي المالواج الظيم -------لوجارالوكت بيج وتعذبتي
وبعد ذيج المضايف تومي للخطار -----لوصارت رماد وماتاثرتي
وبعد عندج ستر شايلتة الحديثات ------ومحدشاف زلفج ماتفرعتي
وبعدعندج زلم توكف بوجة الريح-----وتشد حزام ظهرج لو تحزمتي
اجيتج بعد غيبة ردت اصفن بيج ----وعلكلج وسام الخوف بية فزتي
ماجنج هذيج الالج الف حساب -----ومن الخارطة يمكن تفرهتي
واعتب علزمن من غير الاطياب ----وبعد ماكو فراضة لتسمع القصتي
موجنة نتشيم نسمع الهوسات ---باع الروح ابنج بية تفاخرتي
هسة تغيرت شو كلهامدري شصار ----وكمت حتى استحي من احجي سالفتي
وينج ياعمارة وين صوتج ذاك ------بنص حظن الوطن جنج تغربتي
من اذكر وكفتج تشب بية النار ----وكلي انة اشتعل من جدمي الكصتي
موجنتي عظم بحلوك من بلعوج ----ويامة عروش بيدج انتي طيحتي
ماشوفج بعد ولاجني كاعد بيج ----من عرضج الطولج كل تغيرتي
منج اعتذر لوردت اسئل بيج -----اشوف تبرجيتي وماتحجبتي
باسم عبد الهادي مطشر الزبيدي
16/6/2004
الخميس نوفمبر 10, 2011 2:52 am من طرف محمد المدريدي
